ఓటు బదిలీ పధకాలు

 

ఒకప్పుడు తమిళనాడులో ఎం జి ఆర్ మొదలు పెట్టిన రూపాయికి కిలో బియ్యం పధకం, తొండ ముదిరి ఊసరవెల్లి ఐనట్లు రకరకాల రూపాంతరాలు చెంది పేద వాడిని సోమరిపోతుగా, తెలివి తేటలని వుపయోగిన్చుకోనివ్వకుండా తయారు చేస్తున్నై. ఎందుకంటే సగటు మనిషి తెలివి తేటలు పెరిగితే, వాళ్లకి , రాజకీయ నాయకుల నిజ స్వరూపం తెలుస్తుంది కనుక. తమిళనాడు ప్రస్తుత ముఖ్యమంత్రి ఈ పధకానికి కొనసాగింపుగా, నెల వారి సరుకులతో పాటు, టి వి, కేబుల్ కనేక్షున్ కూడా కల్పించింది. అంటే, ఓ మనిషీ, నువ్వు ఆలోచించడం కష్ట పడడం మానేయ్. మేము ఇచ్చే పప్పు, ఉప్పు, సాంబారు పొడి, బియ్యం తింటూ, టి వి లో 24 గంటలు వార్తలు, సినిమాలు, కుళ్ళు జోకులు చూస్తూ మేం కట్టిచ్చిన 50 గజాల స్థలంలో వుంటూ మేము చెప్పినప్ప్డు చెప్పిన గుర్తుకు ఓటెయ్యి అని అర్ధం.అంతేగానీ,పేదవాడిని చైతన్య పరచే వాళ్లకు ఏమిచేస్తే భవిష్యత్లో ఒకరిపై ఆధారపడకుండా జీవిస్తారు అని ఆలోచించే వారు రాజకీయాల్లో లేరు. ఉదాహరణకి వరి ధాన్యం పండించాలంటే భూమి కావాలి, పనిముట్లు కావాలి, ఎరువులు కావాలి, గిడ్డంగులు కావలి, సరిఐన కిట్టుబాటు ధర కావాలి. ఒక పార్టీ నాయకుడు నేను వడ్లు కిలో రూపాయికి ఇస్తానంటాడు, ఇంకొక పార్టీ వాడు వాటిని మిల్లు ఆడించి అదే ధరకి బియ్యం ఇస్తానంటాడు. ఇంకొకాయన, ఇంకొక అడుగు ముందుకేసి నేనే వండి పెట్టి మిమ్మల్ని ఓదారుస్తూ గోరుముద్దలు తినిపిస్తా అంటాడు ఇవన్నీ గమనించిన కాంగ్రెస్ వాళ్ళు, మీ అకౌంట్ నంబరు ఇవ్వండి మీకు డబ్బులు పంపిస్తాము. బియ్యం ఇస్తే మీరు అన్నం మాత్రం మాత్రమె తినచ్చు కాని డబ్బులిస్తే ఎంచక్కా దానితోబాటు మందు కూడా కొనుక్కోవచ్చు అని కొత్త ఓట్ల బదిలీ పధకం ప్రవేశ పెట్టింది. ఈ మధ్యనే క చ రా గారు మాట్లాడుతూ, మనది మనకు వచ్చినతరువాత 400 గజాల స్థాలమిస్తా ఫాం హౌసు లాంటి ఇల్లు కట్టుకొని గులాబి పూల మొక్కలు  కూడా పెట్టుకోండి అని సెలవిచ్చారు.
 

పేద వాడు కష్ట పడి పనిచేయడానికి సిద్ధంగా వున్నాడు. వాళ్లకు కావలసింది గౌరవ ప్రదమైన జీవితం, ఒకళ్ళ మీద ఆధార పడటం కాదు. భూమి ఇవ్వండి, నీరు ఇవ్వండి, సరైన కిట్టుబాటు ధర ఇవ్వండి చాలు, మీరిచ్చే ముష్టి వాళ్లకు అవసరం లేదు. వాళ్ళ పిల్లలకు ఉన్నతమైన విద్య, చక్కటి వసతి, సుచికరమైన భోజనం ఇవ్వండి చాలు. కాకపొతే, వాళ్ళు విద్యావంతులైతే మీకు మాత్రం ఓట్లు వెయ్యరు, వాళ్ళే పాలకులు అవుతారు, దానికి మీరు సిద్ధమేనా?