బిల్లు తిప్పి పంపినా విభజన ఆగదు

ఏ శక్తి, ఒక్క భాజపా తప్ప, రాష్ట్ర విభజన బిల్లును ఆపలేదు.   అది ఆర్టికల్ 3కు వున్న అధికారం. యుద్ధ విమానంలో వచ్చిన  బిల్లును 24 గంటలలో తిప్పి పంపండి, చర్చించడానికి ఏమి వుంది  అని చాలా మంది చెప్పారు.   దిల్లీలో వున్న రాజ్యాంగేతర శక్తి, తీసేసిన తాసిల్దార్ డిగ్గీ కూడా చెప్పాడు.   ఆయన గారు ఇంకొక అడుగు ముందుకేసి, శాసన సభ అభిప్రాయం ఏదైనా కావచ్చు, పార్లమెంటు నిర్ణయం ఫైనల్ అని సెలవిచ్చారు. ఇది కూడా వాస్తవమె.   అలాంటప్పుడు ఈ బిల్లును తిరస్కరించినా లేక ఆమోదించి తిప్పి పంపినా  జరిగే నష్టం ఏమీ లేదు, మనల్ని విడదీయడానికి కాని కలపడానికి కాని ఆర్టికల్ 3 వుంది కదా.   గడువుకన్నా ముందే, రేపే బిల్లును తిరస్కరిస్తూ తిప్పి పంపిస్తే సరి.   భవిష్యత్లో కేంద్రంలో ఎవరు అధికారంలో వుంటే వారు శాసన సభలను గమనంలోకి తీసుకోకుండా మళ్ళీ కలపవచ్చు.   పార్లమెంటులో సాధారణ మెజారిటీతో మళ్ళీ కలిపెయ్యవచ్చు.   ఈ రాజకీయ రాక్షస క్రీడ ఇలా జరుగుతున్నంత కాలం తెలుగు వాడి పరువు గంగ పాలు కాక తప్పదు.